Култура

Изложба на фотографии за културното наследство во Охрид

Од 5-ти до 7-ми јули во Меморијалната куќа „Христо Узунов“ во Охрид, ќе се одржи Изложба на фотографии од голем формат од најзначајните културно историски локалитети и други аспекти на културното наследство од Охрид и на територијата на  Македонија.

03/07/2023

Основната цел на проектот е подобро запознавање и подигнување на јавната колективна свест за промоција, одржување и унапредивање и афирмација на археолошките зони, културно историските споменици, религиозниоте објекти и сите други форми на културно наследство на нашата земја, кои се вистински сензации на изложбите во најголемите европски и културни центри.

Со оваа изложба се афирмираат неколку непобитни историски факти значајни за Македонија.

Свети Климент на возвишението Плаошник над Охридското Езеро создал книжевна школа и универзитет со околу 4.000 посетители,исто како што македонските фрескосликари, во црквата во селото Курбиново, на брегот на Преспанското Езеро и во манстирот „Св. Пантелејмон“ во близина на Скопје, создале дела со кои, всушност, ја навестиле ренесансата.

Богатството на артефакти од Плаошник, Хераклеа и на уште голем број археолошки локалитети сведочат за густината на творечките вредности, култури и религии на оваа наша почва.Фреските, иконите, резбите и иконостасите од Бигорскиот манастир на прочуените протомајстори Макарие Фрчкоски, Димо Гарката, Дичо Зографот и плејадата нивни ученици и соработници во XIX век се сведоштва за нивниот раскошен, индивидуален авторски гениј.

Тагови

Поврзани вести

21/01/2025

Изведба на балетската претстава за деца „Доктор Офболи“

20/01/2025

„Филхармонија на кирилица“ со симфониска музика

15/01/2025

Во НУКЦ „Марко Цепенков“ промоција на книгата „Современи театарски осврти“ на Звонко Димоски

13/01/2025

Вевчанци на сатиричен начин ја чуваат речиси 15-вековната традиција