Активен пожарот во Старо Нагоричане, во Куманово состојбата стабилна

Пожарникарите од Старо Нагоричане со поддршка на припадниците од другите институции со крајни сили се обидуваат да спречат  пожарот од селата Малотино и Рамно да се прошири кон соседните села.

Тие се сконцентрирани да ја одржат линијата на огнот и да не дозволат да се префрли на другата страна од патот. Во спротивно тоа би значело големо проширување на пожарот кој во овој момент е од 3 до 4 километри.

Споменатите села се наоѓаат на релативно непристапни терени, па за превоз на луѓе се користат џип возила. Гори мешана шума- јавор и даб, како и борова шума.

На територијата на општина Куманово ситуацијата е мирна и стабилна. Пожарникарите имале 3 интервенции во изминатото деноноќие, пожари од помали размери кои рутински биле санирани. Горело стрниште во селото Романовце и сува трева во населбата Јане Сандански и Зелен рид.

Во Малотино и Рамно гори мешана шума.

– Пожарот во општина Старо Нагоричане  се гаси со два  хеликоптери, македонски и српски. Девет пожарникари од нашата единица, 30 припадници на Армијата, пет припадници од „Национални шуми“, изјави командирот на ТППЕ Старо Нагоричане, Далибор Трајковски.

Пожарот вчера се префрли во боровата шума. Покрај екипи на противпожарни единици на Старо Нагоричане и соседните општини, во гасењето беа вклучени и две теренски возила на „Национални шуми“ од кумановската и од подружницата од сесдна општина Крива Паланка.

На подрачјето на општина Куманово, нема активни пожари. Три интервенции имале и пожарникаите од Куманово, гаселе сува трева и стрниште во Романовце, во Ново Село  и во населбата „Бабинн дол“.

– Испратено е возило за поддршка при гасење на пожари  во оптина Старо Нагоричане, изјави командирот на ТППЕ Куманово, Дејан Илиевски.