Во вселената откриени 84 мистериозни објекти какви што досега не биле видени

Вселенскиот телескоп „Чандра“ на НАСА откри нова класа мистериозни космички објекти кои се однесуваат поинаку од сè што астрономите досега набљудувале. Откритието беше објавено вчера, а истражувањето е објавено во Nature Astronomy.

Објектите емитуваат необично слаби, нискоенергетски Х-зраци, но истовремено произведуваат исклучително силно ултравиолетово зрачење. При пребарувањето на архивските снимки од „Чандра“ биле идентификувани 84 вакви извори во шест различни галаксии, меѓу кои и спиралната галаксија М101.

Истражувачите ги нарекле „хипермеки извори на Х-зраци“ (hypersoft X-ray sources). Во моментов не е целосно јасно што точно претставуваат, а токму нивното необично однесување ги прави особено интересни.

„Никогаш досега не сме сретнале група објекти што се однесува вака“, изјави Мустафа Мухибулах од Универзитетот во Алабама, кој го предводел истражувањето.

Откритието би можело да помогне во решавањето на две долгогодишни мистерии во астрофизиката, а следниот чекор е да се утврди што навистина се крие зад овие необични точки на светлина.