Вести
Непознати причините за големата автобуска несреќа
Несоодветна брзина и заблуда на возачот се најверојтано причините за големата автобуска несреќа изјави за Битиви Васко Пиргов секретар на регионалниот совет за безбедност, а кој бил на местото на несреќата заедно со првите пристигнати полицајци и пожарникари.
-Не е за раскажување, зборување, сликата е страшна, од задното десно стакло излегле повредените патници, вели Пиргов.
Според неговата изјава автобусот удрил со предната десна гума во сообраќаен знак, по што го исфрлил 45 метри настрана. Пожарот почнал од предниот дел на автобусот, а според полицијата, имало и туби со нафта на предната страна, кај резервните гуми, по што од парното излегол огнот. Патот беше целиот со нафта, јавува telma.mk
Ќе се прави ДНК-анализа за утврдување на идентитетот на загинатите, изјави заменик обвинителот Сарафов
Четири автобуси биле на релацијата од Истанбул, имаме информација дека биле 52 патници, 12 деца, а седум се преживеани. Оттаму, нашата математика е дека загинале 45 патници.Ќе биде направена ДНК-анализа на сите жртви, со цел да се утврди идентитетот на загинатите. Тоа што го имам како информација е дека во автобусот немало бугарски граѓани, изјави заменикот на главниот обвинител на Бугарија Борислав Сарафов, јавува mkd.mk
Компанијата „Беса транс“ била регистрирана во Ќустендил, канцеларии имала во Скопје и други градови
Компанијата чиј автобус изгоре во сообраќајна несреќа на автопатот Струма во Бугарија е регистрирана во Ќустендил, објавија бугарските медиуми повикувајќи се на проверката направена во Трговскиот регистар.
– Не можам да ви дадам информација. Не знам ништо, изјавиле од компанијата за „24 часа”.
