Комарците не ве касаат затоа што имате „слатка крв“ – науката откри што навистина ги привлекува! Во ова е клучната работа

Речиси секој познава личност која по една вечер на тераса има десетина убоди, додека останатите немаат ниту еден. Најчестото објаснување е дека комарците сакаат „слатка крв“, но експертите велат дека тоа е само мит.

Комарците воопшто не можат да го почувствуваат нивото на шеќер во крвта. Наместо тоа, тие ги избираат своите „жртви“ според комбинација од мириси, топлина и гасови што природно ги испушта човечкото тело.

Не е до крвта, туку до мирисот

Најсилен сигнал за комарците е јаглерод диоксидот што го издишуваме. Луѓето кои издишуваат поголеми количини, како повисоките лица, бремените жени или оние што штотуку вежбале, полесно ги привлекуваат овие инсекти.

Покрај тоа, важна улога имаат телесната температура, потта и природните бактерии на кожата. Тие создаваат специфични мириси кои кај некои луѓе се особено привлечни за комарците.

Истражувањата покажуваат и дека лицата со крвна група 0 почесто добиваат убоди отколку оние со групите А или Б, но тоа е само еден од многуте фактори.

Може ли да се намали ризикот?

Иако генетиката не можеме да ја смениме, постојат начини да ги одвратиме комарците. Репелентите со DEET или пикаридин, светлата облека и избегнувањето стоечка вода околу домот остануваат најефикасната заштита.

Затоа, следниот пат кога некој ќе ви каже дека ве касаат затоа што имате „слатка крв“, ќе знаете дека вистината е многу посложена – и научно докажана.