Иран се закани со напади на воени бази во Европа

Иран започна нов бран напади врз бродови во Хормускиот теснец, како и врз цели во Обединетите Арапски Емирати, додека тврдокорните структури во Техеран предупредија дека европските воени бази би можеле да станат легитимни цели.

Паралелно, иранските власти објавија нови навигациски насоки за движење низ теснецот, со кои се повикуваат бродовите – вклучително и оние на американската морнарица – да ги почитуваат нивните правила, пренесува Euronews.

Во меѓувреме, претседателот на САД Доналд Трамп повторно изјави дека Вашингтон остварил успех во конфликтот со Иран. Сепак, Исламска револуционерна гарда (ИРГЦ) најави нов пристап за контрола на транзитот низ Хормускиот теснец.

Според овој план, влијанието на ИРГЦ би можело да се прошири и надвор од самиот теснец, кон поширокиот регион, вклучително и околината на Фуџаира во ОАЕ, што дополнително ја зголемува неизвесноста во еден од најважните енергетски коридори во светот.