Денес почнува 25. Годишна конференција на Македонската берза во Охрид

Јубилејното издание ќе трае до 23 септември, а ќе собере претставници на финансиски институции, банки, инвестициски и пензиски фондови, котирани компании, брокерски куќи, регулатори и експерти од земјата и регионот.

Официјалниот прием е предвиден за денеска, додека главната конференциска програма ќе се одвива во хотелот „Метропол“ во Охрид.

Во фокусот на конференцијата ќе бидат актуелните состојби и иднината на пазарот на капитал, инвестициските можности и предизвиците со кои се соочуваат финансиските пазари.

Годишната конференција на Македонската берза низ годините се позиционираше како место за средба на домашната инвестициска и финансиска заедница, но и за размена на искуства со учесници од регионалните пазари.

Јубилејното 25. издание доаѓа во период кога интересот за различни форми на инвестирање, движењата на каматните стапки и развојот на домашниот пазар на капитал се сè позначајни теми и за компаниите и за индивидуалните инвеститори.

Конференцијата завршува на 23 септември.