Од вечерва ни доаѓа нов влажен бран од Медитеранот

Во текот на работнава седмица времето ќе биде променливо облачно со сончеви периоди. Во четврток попладне и во петок ќе има повремени врнежи од дожд, наместа пообилни, особено во западните и јужните делови. Од утре до петок ќе дува умерен, повремено засилен југоисточен ветер, велат од УХМР

Натпросечното топло време за овој период од годината продолжува и во следните денови, но со тоа што од утрешнта ноќ, па во деновите потоа ќе бидеме под влијание на Медитерански влажен бран, и тој повремено ќе ни условува врнежи од дожд, локално пообилни и се очекува да наврнат над 20 литри дожд на метар крадратен (особено во западната половина од државава).Мора да напоменеме дека снег ќе врне само на највисоките планински места во северозападна Македонија (поточно на највисоките предели на Шар Планина), вели Славчо Попоски