Научниците на германската “Неумаер станица III”, нè приближуваат чекор поблиски до земјоделство на друга планета, со нивниот успех да одгледаат неколку видови зеленчуци на Антарктикот – цели 3,6 килограми зелена салата, 18 краставици и 70 ротквици.
Уште подобро, според тимот, зеленчуците растени во лабораторија наречена EDEN-ISS, беа произведени без почва, дневна светлина или пестициди.
Наместо тоа, истражувачите користеле воден циклус за повеќекратна употреба и минерални хранливи раствори, додека го оптимизирале LED осветлувањето и внимателно го следеле нивото на јаглеродниот диоксид во собата – врз основа на метода позната како хидропоника.
Ова е само почеток на жетвата. Германскиот авиовселенски центар, кој го координира проектот, изјави дека до мај научниците се надеваат дека ќе собираат 4-5 килограми зеленчук неделно.
Овој проект се фокусира на производство на поширока мешавина, како што се ротквици, зелена салата, домати, краставици, пиперки, па дури и билки.
И тоа сето ова на Антарктикот. Со надворешни температури што паѓаат под -20 Целзиусови степени, прилично неверојатно е што истражувачите произведуваат толку широк спектар на овошје и зеленчук.
