Коктел со јагоди

Во сезоната на јагоди ви предлагаме два коктела со ова овошје, едниот на база на џин, вториот со пенливо Просеко. Освежувачки и слатки, совршени за следното дружење со пријателите.

Јагоди со џин и нане 

• Шест јагоди
• Неколку листови свежо нане
• 20 мл од омилениот џин
• 60 мл минерална вода
• Засладувач (стевиа, мед или агаве)
• Малку сок од лимета
• Скршен мраз

Половина од јагодите, нането, сокот од лимета и засладувачот се стваат во шејкер, малку се затресуваат и потоа благо се гмечат состојките за да пуштат арома. Се додаваат останатите состојки. Се декорира со малку јагоди и се ужива.

Просеко и јагоди

• 150 мл Prosecco
• 30 мл сируп од бозел
• 1 лимета
• Неколку листови нане
• Неколку јагоди
• Минерална вода по желба
• Лимон по желба

Во чаша се ставаат сокот од лимета, две-три јагоди здробени за да пуштат арома, и скршен мраз, а потоа се додаваат просекото и сокот од бозел. По желба се додаваат минерална вода и кришки лимон. Коктелот се меша и се украсува со тенки кришки јагоди и малку нане.