Во Скопје денеска до 37 степени, попладне можни пороен дожд и грмежи

Во Скопје денеска ќе преовладува сончево и топло време со мала до умерена облачност, а максималната дневна температура ќе достигне до 37 Целзиусови степени.

Во попладневните часови во делови од Скопската Котлина ќе има услови за локален пороен дожд и појава на грмежи.

Ќе дува слаб до умерен ветер од променлив правец.

Утринската минимална температура ќе се спушти до 19 степени, додека во најтоплиот дел од денот се очекуваат до 37 степени.

Поради високите температури во текот на денот, времето ќе остане многу топло, со можност за краткотрајна нестабилност во попладневните часови.