Бадникови поворки 2026: Светлина, радост и заедништво во Македонија и дијаспората

Следната недела во вторник, 6-ти јануари, на градскиот плоштад „Македонија” ќе се пее традиционалната Божиќна песна! Најмладите со божиќни ѕвезди во рацете ќе ги запеат милозвучните стихови во чест на големиот празник Христовото раѓање – Божиќ.

Од здружението „Бадникови поворки“ најавија голема празнична авантура.

Веднаш по пристигнувањето на поворката ќе започне Божикната авантура – голема музичко-сценска изведба во живо, во која ќе учествуваат повеќе од 40 музичари, пејачи, актери и Златно славејче. Ајде да ја чуваме традицијата, да пееме, да се радуваме и да ја споделиме оваа празнична радост еден со друг, с енаведува во поканата од здужението.

Како што велат од здружението, бадниковите поворки и оваа година продолжуваат да го надминуваат сопствениот рекорд, со досега пријавено учество на повеќе од 80 општини, градови и населени места низ Македонија, како и во македонската дијаспора во Италија, Словенија, Австрија и Соединетите Американски Држави.