Облачно со локални врнежи од дожд

Денеска  во претпладневните часови особено во северните предели ќе имаме повеќе облачност  и локални врнежи од дожд а на високите планини (над 1700/1800 метри надморска височина) ќе провејува снег. Исто така  особено во Повардарието и во источните предели ќе дува засилен до повремено силен ветер од северен правец (повремено и локално со брзина од над 65 км/час).

Вечерта ни носи поголемо заладување и продор на ладен воздух од север па утрото во четврток 9 април 2026 ни носи намалување на облачноста  и значително поладно време па така тоа утрово минималните температури во Македонија ќе се спуштаат во интервалот од -3 до 6 степени па така особено на повисоките населени места  и на планините очекувам појава  и на слаб мраз  и на слана. Во Скопје  и околината утрово минималната температура ќе се спушти до околу 3 степени.