Месечината во центарот на новата вселенска стратегија на НАСА

Американската вселенска агенција НАСА претстави нов план за развој на својата вселенска програма, со фокус на изградба на трајна база на Месечината.

На настанот „Ignition“, агенцијата најави постепен пристап за развој на инфраструктура директно на површината на Месечината. Во рамки на новата стратегија, проектот за лунарната орбитална станица Gateway ќе биде ставен во мирување, додека приоритет ќе добие создавањето услови за долгорочно човечко присуство на Месечината.

Како дел од планот, предвидено е стандардизирање на ракетата SLS и дополнителна мисија во 2027 година. Потоа, се планира најмалку едно слетување на Месечината годишно, со зголемен број мисии преку комерцијални програми и испраќање опрема, ровери и научни инструменти.

Од НАСА истакнуваат дека целта е воспоставување одржливо присуство и зајакнување на водечката улога во вселенските истражувања.