Забава
Малтешки мајстор на чоколадо постави светски рекорд со 52-метарски воз во Милано
Малтешкиот чоколатиер Ендрју Фаругија, познат по два претходни Гинисови рекорди, повторно ја воодушеви светската јавност со спектакуларна креација – чоколаден воз долг цели 52 метри, кој официјално е прогласен за најдолгата чоколадна скулптура во светот.
Импресивното дело беше свечено откриено во понеделникот во Палатата на регионот Ломбардија во Милано, како дел од најавата за претстојните Зимски игри што ќе се одржат во северна Италија. Чоколадниот воз е изработен од дури 3.000 килограми висококвалитетно белгиско чоколадо.
Во реализацијата на овој сладок рекорд учествуваа студенти по кулинарство од Малта и Италија, кои заедно со Фаругија работеле на сложениот процес на изработка, комбинирајќи уметност, прецизност и гастрономско знаење.
Оваа уникатна скулптура не само што постави нов светски рекорд, туку и го привлече вниманието на посетителите и медиумите, потврдувајќи дека чоколадото може да биде и уметност, и симбол на соработката
