Лизгалиштето во „Борис Трајковски“ денеска ја отвори сезоната со подобрено осветлување и идеални услови за лизгање

Лизгалиштето при Спортскиот центар „Борис Трајковски“ од денеска ја стартува новата зимска сезона, со ново осветлување, перфектен мраз и освежен визуелен изглед. Директорот на центарот во својата објава го најави официјалното отворање и упати покана до сите љубители на лизгање.

„Оваа година љубителите на лизгањето ќе уживаат во одличните услови на лизгалиштето во СЦ ‘Борис Трајковски’“, напиша тој.