Иран одговори на американската иницијатива со сопствени услови

Иран одговорил на американскиот мировен предлог со сопствени услови, меѓу кои се затворање на американските воени бази на Блискиот Исток, укинување на санкциите и гаранции за избегнување на нови конфликти, објавуваат странски медиуми.

Техеран бара и отштета за претходните напади, прекин на израелските операции против Хезболах и задржување на својата балистичка програма без ограничувања. Од американска страна, дел од овие барања се оценети како нереални.

Во меѓувреме, Иран доставил и нови насоки до Обединетите нации во врска со пловидбата низ Ормускиот Теснец. Според нив, бродовите ќе треба однапред да се координираат со иранските власти и да ги почитуваат безбедносните правила, особено ако не се вклучени во активности против Иран.

Овие случувања доаѓаат во време на зголемени тензии во регионот, што веќе влијае врз глобалните енергетски текови и транспортот на нафта и гас.