По којзнае кој пат: Еден ученик убиен, двајца ранети во напад со нож пред средно училиште во Калифорнија

Еден ученик е убиен, а двајца други се ранети во напад со нож пред средното училиште Санта Ана во истоимениот град во Јужна Калифорнија, соопшти локалната полиција.

Американските медиуми, повикувајќи се на порпаролката на полицијата во градот, Наталија гарсија, пренесуваат дека тројца ученици, сите мажи, биле пренесени во болница, каде еден од нив починал, додека другите двајца биле во стабилна состојба.

Инцидентот се случил додека учениците го напуштале училиштето по завршувањето на часовите, изјави портпаролот на училишниот округ, Фермин Лил.

Според официјалните лица, во нападот учествувале и лица кои не биле ученици на училиштето.

Полицијата бара најмалку две лица осомничени за нападот, а нивната поврзаност со училиштето и мотивот за нападот засега се непознати.

По инцидентот, сите воннаставни програми и спортски активности беа откажани.

Санта Ана, град со околу 300.000 жители, се наоѓа 50 километри југоисточно од Лос Анџелес.

Во средното училиште Санта Ана настава посетуваат околу 3.000 ученици.

Што е погрешно во ситемот во Америка што предизвикува вакви убиства да се секојдневие. Нешто е длабоко гнило.

Дали можеме ние да помогнеме на оваа држава и да дамеме насоки кон решевање на овој веќе повечедецениски проблем до САД? Помош е потребна, ние треба да сме хумани и да помогнеме.