Air France ја намалува емисијата на јаглерод диоксид на сите домашни летови

Компанијата Air France најави дека до следната година ќе ја намали вкупната количина на емитуван јаглерод диоксид во домашниот сообраќај, изјави извршната директорка Ан Рига. Таа додава дека францускиот авио превозник ќе инвестира неколку милиони евра во проекти кои ќе ги „неутрализираат“ емисиите од околу 500-те летови на дневна основа во националниот сообраќај. Овој амбициозен план с епредвидува да се исполни до крајот на 2020 година, а меѓу сетот мерки планирано е и масовно пошумување со цел компензација на емисиите.