Кои се седумте најубави европски градови во есен?

Доаѓањето на есента ја бои природата во жива палета на топли жолти, портокалови и црвени нијанси кои дополнително ја разубавуваат глетката на одредени градови и места.

Ако планирате некое кратко патување оваа есен, секако посетете некое од овие извонредни убавини.

1. Кумбриа, Англија

Ова место на северозападот од земјата кое се граничи со Шкотска е извор на прекрасни природни убавини на кои во есен е уште потешко да се одолее. Покрај националниот парк Лејк Дистрик кој го одзема здивот со прекрасните езера, истражете ја и шумата Фризајдејл во која темните борови и црвените буки создаваат фантастичен пејзаж. Во локалните пабови не заборавајте да го пробате домашниот пијалок од јаболки и да наздравите за новото годишно време.

2. Бриж, Белгија

Средновековниот белгиски град во есен ја добива една од најубавите европски панорами каде што златните и црвените винови лози ги опкружуваат историските градби и прекрасните глетки се рефлектираат во градските канали.

3. Осло, Норвешка

Промените на годишните времиња се особено убави на северот од Европа. Прошетката во Осло тогаш станува вистинско задоволство, особено по живописните градски паркови кои секоја година стануваат се поубави.

4. Прага, Чешка

Чешкиот главен град е убав во сите годишни времиња, но овозможува нешто посебно кога листовите почнуваат да ја менуваат бојата на стеблата во градските паркови. На есен има и помалку туристи по улиците, па е полесно да се ужива во знаменитостите како што е Прашката Тврдина, плоштадот Вацлав и Карлов мост.

5. Будимпешта, Унгарија

Пријатните есенски температури во септември и октомври се одлична препорака за посета на Унгарија, каде што во оваа доба се организираат многу гастрономски фестивали на отворено. Покрај уживањето во локалната храна и пијалоци, градот нуди и многу „бесплатни“ атракции кои секако мора да ги истражите со прошетки.

6. Пиемонт, Италија

Октомври е шпицот на сезоната за уживање во храната и пијалокот во руралниот Пиемонт. Костени, чоколади, тартуфи и други видови на печурки имаат посветени посебни фестивали на кои се ужива во локалните специјалитети.

7. Блед, Словенија

Бледското езеро во Словенија е одличен избор за љубителите на активен одмор. Тука можете да планинарите, да јавате, да возите велосипед, да пловите во традиционалните чамци, или едноставно да уживате во прекрасните пејзажи надополнети со магичните планини во околината.