Фотографи инспирирани од пареидолија создаваат неверојатни фотомонтажи

Фабиен Баро е дигитален уметник од Франција кој работи со големи брендови нудејќи го неговото знаење од областа на маркетингот. Но, во слободно време се инспирира од пареидолијата, феномен кај кој личноста гледа дезен или слика што не постои, како на пример лице на облак. Развивајќи го концептот понатаму, Фабиен користи туѓи и негови фотографии направени со дрон и создава фотомонтажи на кои се прикажани животни, предмети и форми кои не се наоѓаат таму.

 

 

Иако фотографира само 6 години, индонезискиот фотограф Демас Русли многу брзо ја развил својата вештина. Неговите фотографии направени со дрон нудат навистина уметнички поглед кон пејзажите на Австралија. Демас е архитект, а фотографирањето му е хоби, кое често го води на патување во и околу Сиднеј.

Демас прв пат се заинтересирал за фотографирањето кога му помагал на неговиот братучед кој е професионален фотограф. Кога ја забележал интеракцијата помеѓу братучед му и клиентите, тој се инспирирал и го купил неговиот прв фотоапарат.

Направил и профил на Инстаграм и почнал да ги објавува неговите дела. Позитивните коментари го мотивирале да продолжи и денес има над 100.000 следбеници.

Знаењето од областа на архитектурата веднаш се забележува на неговите фотографии. Хармонијата на линиите, употребата на геометријата и симетричната композиција зборуваат за неговата професија.

„На моите фотографии големо влијание имаат линиите, геометријата, симетријата и рамнотежата, но секогаш се обидувам да вметнам и човечка фигура. Ова е нешто што го научив на факултетот за архитектура.“

Иако денес можеме да видиме многу фотографии направени со дрон, делата на Демас навистина се истакнуваат.