Забава
Сочни мафини со чоколадо на Леона
Мафини може да се направат на илјада и еден начин, но секогаш проверена опција е со парчиња чоколадо за готвење на Леона. Нема некој кој ќе најде мана на ваков десерт. Затоа еве една брза и едноставна рецепта за подготвување на превкусни чоко залачиња.
Состојки:
- 400 гр Екстра бело брашно
- 2 јајца
- 125 мл масло за готвење
- 250 мл млеко
- 200 гр шеќер
- 3 супени лажици прашок за печиво
- 1 супена лажица сол
- 100 гр растопено чоколадо за готвење ЛЕОНА
- шлаг
- трошки од изрендана бела чоколада ЛЕОНА
Начин на подготовка:
- Во поголем сад ги матиме јајцата со миксер 1 минута. Потоа ги додаваме маслото и млекото и продолжуваме со матење. За кусо време го додаваме и шеќерот и продолжуваме со матење се додека не добиеме мазна смеса.
- Потоа ги додаваме брашното, прашокот за печиво и солта. Матиме уште 2-3 минути. Во смесата го додаваме чоколадото ЛЕОНА растопено на пареа.
- Смесата ја претураме во калапите за мафини во кои имаме ставено хартиени мали корпи.
- Печеме во претходно загреана рерна на температура од 180 степени помеѓу 20 и 25 минути.
- Откако ќе се оладат, секој мафин го декорираме со рендани парчиња од бела чоколада за готвење на ЛЕОНА.
Овој рецепт ќе ги воодушеви сите и поради вкусот на мафините, но и со нивниот беспрекорен изглед.Уживајте во убавите вкусови!
