Сончево и релативно топло време во Македонија, температури до 28 степени

Во Македонија денеска ќе преовладува сончево и релативно топло време, со мала до умерена локална облачност. Утрото е ведро и постудено, а во текот на денот температурите значително ќе се зголемат.
Според Управата за хидрометеоролошки работи (УХМР), максималните дневни температури ќе се движат од 22 до 28 Целзиусови степени. Услови за локални врнежи од дожд ќе има во западните планински предели.
Ќе дува слаб до умерен ветер од јужен правец, кој ќе биде поизразен долж Повардарието.

Во Скопје се очекува сончево и релативно топло време со мала облачност и слаб ветер од променлив правец. Максималната дневна температура ќе достигне 27 степени според прогнозата на УХМР.
Во Охрид ќе биде сончево со мала до умерена облачност и температура до 22 степени.

Какво време нè очекува наредните денови?
Во петок и во текот на викендот се очекува постепено зголемување на облачноста, со повремени локални врнежи од дожд. На одделни места врнежите може да бидат поројни, придружени со ретки грмежи.
Дневните температури за време на викендот главно ќе се движат од 19 до 27 степени, а утринските температури ќе бидат во пораст.