Силна експлозија во фабрика во Малта, пукаа прозорци од станови

Силна експлозија во фабрика за огномет во областа Магџтаб рано наутро во понеделник се слушна низ голем дел од Малта.

Жителите пријавија скршени прозорци и тресење на зградите поради силата на детонацијата, објави Малта Тудеј.

Експлозијата, велат тие, се случила околу 6:30 часот наутро во фабриката Та’ Лурдес.

Полицијата е на местото на настанот и истрагата е во тек.

Според првите информации, експлозијата избувнала во фабриката за огномет.Засега нема информации дали некој е повреден, според Малта Тудеј.

Жителите на околните градови изјавија дека ја слушнале експлозијата од растојание од неколку километри, додека други тврдат дека и тие го почувствувале ударниот бран.