Се отвора првата арктичка зоолошка градина

Првата арктичка зоолошка градина, каде животните ќе бидат чувани во природна околина, ќе се отвори во Јамалија, изјави гувернерот на тој далечен регион на северот во Русија, Дмитриј Артуков.

„Ние сакаме да ја отвориме првата зоолошка градина на Арктикот што ќе има само една зграда во која ќе бидат сместени канцеларии, кафулиња, продавници за сувенири, додека животните ќе бидат во природна околина и ќе го искористиме природниот пејзаж најефикасно“, рече Артуков.