„Протерани од рајот“ во рамки на „Скопско лето“

Џез концерт „Протерани од рајот“ на кој ќе настапат Георги Шарески и Џијан Емин ќе се одржи вечер во „Сули ан“ во рамки на 47. издание на фестивалот Скопско лето.

Емин и Шарески ќе изведат заеднички концертен проект што ги спојува современиот џез, импровизацијата и авторскиот музички израз.

– Концертот се развива како музички и авторски дијалог помеѓу два различни музички изрази, низ слободна комуникација, импровизација и заедничко создавање во моментот. Преку современ звук и суптилна сценска интеракција, вечерта носи атмосфера исполнета со креативност, спонтаност и урбана музичка естетика, велат организаторите.