Проектот за „зелен покрив“ на ГТЦ ќе се корeгира

Проектот за „зелен покрив“ на Градскиот трговски центар во Скопје ќе претрпи одредени корекции во консултации со архитектите, најави скопскиот градоначалник Петре Шилегов.

– Градот Скопје заедно со УНДП, пред повеќе од 8 месеци потпиша меморандум за соработка од областа на спроведувањето на Стратегијата за климатски промени – Отпорно Скопје, поврзана со мапирање на геотермални точки. Спроведените истражувања покажаа дека покривот на ГТЦ е за 10 степени потопол од пре останатиот простор околу плоштадот Македонија и оттука произлезе идејата дел од овој покрив да биде зазеленет – кажа Шилегов.

Градоначалникот посочи дека идејата за проектот за зелениот покрив на Градскиот трговски центар, согласно со кој Градот Скопје ќе инвестира во проектот, е донација од претпријатието.