По десети пат се најавува стартот на чистењето на отровниот линдан од „Охис“

Министерот за животна средина и просторно планирање Насер Нуредини наведе дека било потребно повеќе време од планираното за поставување на шаторот и претходни дополнителни активности за да се започне со ископот, но оти сите дополнителни работи и одложувања биле со цел да се избегне какво било разнесување на опасниот материјал кој ќе се ископува од малата депонија, да се заштити околината и населението кое гравитира во поширокиот реон на околината.

Со оваа изјава министерот потврди дека досега немало никакви активности за чистење на отровниот отпад освен поставување на шатор и со тоа ги откри лажните почетоци и чистења кои ни беа презентирани како информации во последните пет години. Како и за се останато никој не се најде повикан и никој не превзема одговорност за лажните информации и ветувања, а легитимен е сомнежот дека и овој пат може да е само сликање пред камери со никаква реализација.