Свет
Поларната светлина го обои небото над Балканот
Црвеното светло кое се појави на небото над Сомбор, познато и како поларна светлина, ги изненади граѓаните на тој војводински град, пренесуваат медиумите. Аурора бореалис, исклучително редок феномен во Србија, можеше да се види и од некои други градови, како Врбас, Банатски Двор, Каќ. Медиумите од БиХ и Хрватска исто така информираа дека поларната светлина била видлива и над нивното небо.
На повеќе места во регионот вчера можеше да се види црвена светлина на небото.
Таа била забележана во Бојводина, во Босна и Херцеговина, Хрватска, Словенија и во Црна Гора. Станува збор за природниот феномен познат како поларна светлина, која се појавува поради силна соларна бура.
