Побрзо ќе помине ако одлежите: Грешки кои ги правите кога сте настинати

Исто така, не бидете хипохондрик кој верува дека настинката може да се претвори во грип и за да го спречите тоа мора да ги земате најсилните антибиотици.

Разбиваме 10 митови за настинките поради кои непотребно кревате паника или само потешко заздравувате кога сте настинати:

Мит број 1: Настинката може да прерасне во грип

Еден тип на болест не може да премине во друг. Иако повеќето симптоми се слични, настинката почнува со раздразнето грло, затнување на носот и чувство на постојан студ, додека првите симптоми на грипот се главоболка, болки низ целото тело и општа слабост и омлитавеност на телото.

Мит број 2: Настинките се лечат со силни антибиотици

Антибиотиците не се борат против вирусите, бидејќи нивната структура е поинаква од онаа на бактериите. Земањето на силни антибиотици кога сте настинати може само да доведе до дополнителен пад на имунитетот.

Мит број 3: Настинките не може да се лечат

Типично, настинката трае околу 3 дена, но ако се создадат компликации може да трае до 30 дена. Затоа, не ги игнорирајте симптомите, туку консултирајте се со лекар.

Мит број 4: Настинката не е причина да земете боледување

Многу луѓе се хронично настинати само затоа што одат настинати на работа. Останете дома 1-2 дена, па потоа вратете се на работа. Само така ќе го одморите и излечите телото, а и нема да ги заразите колегите.

Мит број 5: Кога сте настинати треба само да лежите

Претераното лежење во кревет не е паметна идеја, исто како што и потењето во теретана нема да ви помогне. Кога сте настинати во ред е да мирувате, но не и целосно да ја запоставите работата на телото. Раздвижувајте се со прошетки и лесни вежби.

Мир број 6: Ладниот воздух предизвикува настинки

Убаво би било да се заштитите со капа, шал и ракавици кога надвор е студено и дува, но ваквите временски услови не се причината зошто сте настинале.

Мит број 7: Ако ве наврне дожд, сигурно утредента ќе настинете

Мократа коса и облека не можат да ви донесат настинка. Вистина е дека чувството на студ може да го ослаби телото и да го направи подложно на вируси, но ако ве наврне дожд тоа не е еднакво со настинка.

Мит број 8: Може да се разболите само еднаш во сезоната

Имаме добра и лоша вест. Добрата вест е што кога организмот еднаш ќе се избори со одреден вирус, може да стане имун на него. Но, лоша вест е што има повеќе од 200 типови вируси, па така може да се разболите повеќе од еднаш во сезоната.

Мит број 9: Настинката може да се излечи за еден ден

„Бомбардирањето“ на организмот со витамини и апчиња против настинка може да биде сериозно штетно за здравјето. Не ги пречекорувајте дозволените дневни количини, доколку не сакате да си создадете поголеми проблеми.

Мит број 10: Мора да чекате да поминат сите симптоми

Кашлицата и затнатиот нос може да траат до 4 недели, но тоа не значи дека толку време треба да седите затворени дома. Ако чувствувате дека сте физички способни за да се вратите на нормалното темпо, направете го тоа.