Перу: 3.000 младенчиња желки пуштени во дивината на Амазон

Волонтери пуштија 3.000 бебиња желки во дивината во јужноамериканската држава Перу, вид кој долго време е загрозен во Амазон.

Меѓународната унија за зачувување на природата (IUCN) ги смета речните желки за „ранлив вид“ бидејќи со години ги убиваат за човечка исхрана или ги чуваат како домашни миленици, пишува Ројтерс.

Иако е заштитена со Конвенцијата за меѓународна трговија со загрозени видови (CITES), популацијата на желките е во постојан пад многу години.

„Важно е да се зачува видот во регионот на Амазон, бидејќи долго време е загрозен. Нашата цел е да ја обновиме оваа популација“, вели Сабрина Пипа, биолог кој работи на заштита на слатководните желки.

Желките го носат научното име Podocnemis unifilis, но Перуанците ги нарекуваат желки Таријака.

Научниците се согласуваат дека зачувувањето на амазонската прашума е од витално значење за избегнување на катастрофални климатски промени поради неговата способност да апсорбира стакленички гасови, а Перу го поседува вториот најголем дел од дождовната шума во Амазон по Бразил, додека во последните две децении повеќе од 19.700 квадратни километри од Перуанскиот Амазон е уништен.