Македонија
Парафиран Договорот за имплементација на проектот „OHRID GO”
Градоначалникот на Општина Охрид, Кирил Пецаков, денеска го потпиша Договорот за имплементација на проектот „Roads Not Taken: Municipality of Ohrid Going Green, Smart, Innovative (OHRID GO)“, финансиран од страна на ЕУ преку програмата „EU for Municipalities“.
Проектот има за цел зајакнување на капацитетот на локалната власт, пилотирање на неколку зелени, паметни и иновативни идеи за справување со локални проблеми и овозможување модуларност на интервенцијата со предвидување натамошна донаторска поддршка, како и економско закрепнување и максимално искористување на економските аспекти засновани на дигитално знаење.
Проектот ќе опфати намалување на отпечатокот на јаглероден диоксид со воведување алтернативни средства на урбана мобилност, односно зелен урбан систем – Smart City Bike System, за чија цел ќе бидат набавени 60 смарт велосипеди, кои ќе бидат поставени на десет докинг станици (паркиралишта), со што населението и посетителите на иновативен начин, преку посебна апликација ќе можат да ги користат во градот и околината. Диверзификација на локалната туристичка понуда преку воведување зелени рекреативни соджини (Адреналински парк и „Pump Up“ патека) и развој на локалната економија базирана на знаење преку формирање на „Smart Ideas Hub“ како старт-ап центар.
Општината ја гледа предложената акција како чекор кон тоа да стане поспособна за спроведување на акции кои ја надминуваат изградбата на основната инфраструктура со што се задоволуваат потребите на „новата генерација“ на граѓаните и посетителите.
Севкупно, проектот ќе го зајакне капацитетот на општина Охрид да стратегизира, планира и имплементира иновативни, паметни и зелени решенија за локалните развојни предизвици кои се во согласност со приоритетите на ЕУ.
Вкупната вредност на проектот изнесува 716.766 eвра, а партнери на проектот се Општина Воден и „Стелар Солушнс“ од Скопје.
