Македонија
Обновен дрворедот на ,,Рузвелтова”
Градот Скопје ја продолжува акцијата за обновување на дрворедите низ Скопје, дел од големата есенска акција за зазеленување на градот.
Денеска го обновуваме дрворедот на улицата Франклин Рузвелт, и тоа oд двете страни по должината на улицата, од булевар Илинден до улицата Васил Ѓоргов. Ги заменуваме сите исечени и паднати дрвја со нови здрави висококвалитетни листопадни садници од видот див костен, како и преостанатите во дрворедот. Речиси 500 пенушки на градските сообраќајници оваа есен ќе бидат отстранети и на нивно место ќе се засадат нови здрави садници, изјави портпаролот на Град Скопје, Ваљон Салиху.
Обновата на дрворедите низ градот ќе се реализира на начин што новите садници ќе бидат засадени внимателно, грижливо, со видовите какви што претходно биле засадени на истото место.
