Култура
Неделата на Нобеловите награди започнува со објавување на добитниците за медицина
Сезоната на доделување Нобелови награди за 2025 година започнува во понеделник со објавување на имињата на добитниците во категоријата физиологија или медицина.
Нобеловиот комитет на Каролинскиот институт во Стокхолм најрано во 11:30 часот ќе ги открие добитниците на престижната награда.
Нобеловата награда за физиологија или медицина може да биде доделена на еден научник или поделена меѓу двајца или тројца научници кои работеле во истото поле.
Минатата година, наградата ја освоја американските научници Виктор Амброс и Гери Рувкин за откритие на микроРНК и нејзината улога во регулирање на гените.
Наградата за медицина или физиологија традиционално ја отвора годишната недела на објавување на добитниците на Нобеловите награди. Во следните денови ќе бидат објавени добитниците за физика, хемија, литература, мир и економија.
Нобеловите награди официјално ќе бидат доделени на 10 декември, на годишнината од смртта на Алфред Нобел (1833–1896), изумителот на динамитот и основачот на наградите. Оваа година секоја награда носи паричен износ од 11 милиони шведски круни (950.000 евра).
