На 21 декември (Сабота) цело Скопје ќе биде без вода

асега, не е познато дали водата ќе секне на целата територија на Скопје, како што пишуваат дел од медиумите, или во одредени скопските општини, ниту колку долго ќе трае интервенцијата.

Иако побаравме објаснување од ЈП Водовод и канализација за санацијата која е најавена за 21 декември, сепак од претпријатието не сакаа да споделат дополнителни детали за решавањето на овој проблем.

Најавената санацијата следи 10 дена по големиот дефект, на улицата Никола Парапунов во Карпош 4, каде континуирано се излеваат огромни количини питка вода.

Од претпријатието преку социјалните мрежи соопштија дека долго време немало запирање на главниот цефковод и поради тоа побараа разбирање и трпение од граѓаните.

-Системска промена на пет децении стари затворачи и рехабилитација на хидротехничката опрема е потребна со цел зголемување на трајноста на водоводната мрежа и подобрување на нивото на притисок во водоводната мрежа.Почеток за реализација на оперативниот план и затворање на вода во главниот градски цевковод Ф1600 е планирано да отпочне од 21.12.2024 година, а ќе трае до завршување на интервенцијата. – ЈП ВОДОВОД И КАНАЛИЗАЦИЈА.

Според претпријатието, со овој зафат покрај тоа што ќе се изврши санација на дефектите, ќе се лимитира загубата на вода во иднина.