Свет

Најинтересните места на нашата планета на “Google Earth”

Уште од времето на Колумбо, Магелан и Марко Поло, човекот сакал да патува и да го запознава светот околу себе. Подоцна, во модерното време, тие патувања станале подостапни и поевтини, а летот со авион преку природни убавини и монументални зданија само ги зголемил импресиите кај луѓето.

21/02/2019

Сепак, со појавата на “Google Earth”, задоволена е и потребата на оние со послаб џеб, оние кои секогаш сакале да видат како некои градби, океани, реки и планини изгледаат од птичја перспектива. Поради тоа, геологот од Њу Орлеанс со име Вил, решил да ги спои своето знаење и пасија која се јавува во него во текот на истражувањето на бројни предели, и да ги преточи во една галерија на Имгур.

“Навистина сакам да го пребарувам “Google Earth” во потрага по кул работи. Моите описи доаѓаат од интернет истражување и мои претпоставки за тоа што се случува. Имајте на ум дека ова е само моја интерпретација на работата и дека може да бидат погрешни. Се обидов да пронајдам интересни примери од геолошки процеси кои ќе ги користам во презентации и на предавања”, рекол тој.