Резултатите од истражувањето се објавени во Proceedings of the Royal Society B.
Истражувачите од Универзитетот во Западна Австралија (UWA) и Универзитетот Флиндерс открија алга со латинско име Posidonia australis во плитките води на Шарк Беј долж западниот брег на Австралија. Тие веднаш се зафатиле со студијата, обидувајќи се да откријат колку различни растенија има во областа Шарк Беј, 831 километар северно од Перт.
Користејќи генетско тестирање, тие утврдиле дека оваа огромна подводна ливада долж брегот на Западна Австралија е всушност едно растение кое се шири од едно семе во период од најмалку 4.500 години.
Новооткриената подводна ливада, на која случајно наишле тим австралиски истражувачи, се простира на околу 200 квадратни километри, соопштија истражувачите од Универзитетот во Западна Австралија.
За да ја откријат генетската разновидност на растителните видови кои обично растат долж делови на австралискиот брег и да утврдат колку растенија ја сочинуваат подводната ливада, тие собрале примероци и тестирале 18.000 генетски маркери за да го создадат генетскиот профил на секој примерок.
„Бевме воодушевени од откритието. Тоа беше само еден генетски профил“, рече Џејн Еџело, главен автор на студијата.
„И тоа е тоа, само едно растение се прошири од едно колонизно семе до дури 180 километри во Шарк Беј, што го прави најголемото познато растение на Земјата“, додаде Еџело. Ова растение е исклучително по својата отпорност бидејќи расте во различни области на заливот со многу променливи услови.
„Изгледа дека е исклучително отпорно бидејќи е изложено на широк опсег на температури и соленост, но исто така и на екстремни количества светлина, а таквата комбинација е многу стресна средина за повеќето растенија“, вели коавторот на студијата Елизабет Синклер.
„Ова едно растение всушност може да биде стерилно бидејќи нема репродуктивни органи, поради што неговото преживување и ширење е прилично збунувачки“, вели коавторот на студијата Мартин Брид од Универзитетот Флиндерс.
„Растенијата што се шират без сексуална репродукција обично се карактеризираат со намалена генетска разновидност, која вообичаено им е потребна за да се справат со промените во животната средина“, додаде Брид.
Овој вид растение обично расте како тревник со брзина до 35 сантиметри годишно. Благодарение на тоа сознание, експертите процениле дека биле потребни околу 4.500 години за подводната ливада да се прошири до нејзината сегашна големина.
