Најголемата ветерна турбина во светот

Ветерна турбина со капацитет од 8,8MW е инсталирана на брегот на северо-западна Шкотска.

Една единствена ротација на оваа турбина, позната како „најмоќна на светот“, може да напојува едно британско домаќинство во текот на целиот ден. Vattenfall вели дека планира да инсталира уште една мега турбина на истата локација, испорачана од компанијата Vestas. EOWDC центарот ќе биде користен како тест локација за вкупно 11 извонредно моќни турбини. Овој центар има важна улога во овој енергетски сектор преку поддршка во пробивот на новите технологии.

Европа моментално учествува со 93% во глобалниот капацитет од ветерни офшор електрани. Недостатокот на простор на копното, ги поттикнува многу од ЕУ земјите да ги истражуваат можностите за вложување во офшор ветерни централи. Дури една третина од офшор капацитетите во Европа се наоѓаат во Велика Британија.