Мистериозниот монолит што исчезна од Америка, сега се појави во Романија (ВИДЕО)

Од Романија пристигна вест дека идентичен монолит, а можеби и баш тој што мистериозно исчезнал од американската пустина, пронајден е во градот Пјатра Нјамц.

Необичниот објект најден недалеку од познато археолошко наоѓалиште, а висок е околу 4 метри.

– Започнавме истрага, но монолитот се наоѓа на приватно земјиште. И понатаму не знаеме кој е сопственик, но се наоѓа во заштитено подрачје на археолошко наоѓалиште – рекле градските власти.

Тие соопштија дека тука никој ништо не може да постави без одобрение на Министерството за култура.