Метео: Македонија во жолта предупредувачка фаза: Повторно многу дожд

Денес (Среда 26 ноември) целата територија на Македонија ќе се наоѓа во жолта предупредувачка фаза поради очекуваните нови обилни врнежи од дожд проследени со повремено засилен јужен ветер  и со услови за локална појава на грмежи. Локално овие процеси може да бидат застапени во форма на невреме.

Инаку Македонија се наоѓа под влијание на циклонска активност со центар над Медитеранот  и истата условува да имаме повторно многу нестабилно време со чести и обилни врнежи од дожд. Локално за 24 часа ќе наврне големо количество на воден талог (над 30 литри дожд). И во се Скопје очекува нови врнежи од дожд кои повремено ќе бидат пообилни и поројни и проследени со засилен јужен ветер.

Поради продор на поладен воздух од север, на планините над 1500 метри надморска височина врнежите од дожд ќе преминуваат во врнежи од снег  и се очекува формирање на снежна покривка.

Поради очекуваните нови обилни дождови повторно растат условите за ново зголемување на нивоата на реките  и на езерата во Македонија. Се апелира особено возачите да бидат крајно внимателно како управуваат со своите возила и да не се движат покрај водотеците  и тоа поради очекуваните нови обилни врнежи од дожд кои може да придонесат за нови поплавувања.