Кученце „еднорог“ се родило со опашка на челото

Повеќето од нас се фасцинирани од секое животно со крзно – хрчаци, зајаци, кучиња, мачки…

Овие животни се и најчестиот избор за миленици, не само поради нивниот изглед, туку и поради нивниот карактер.

И иако сите кучиња се слатки и заслужуваат внимание, ова кученце дефинитивно се издвојува од другите – тоа е родено со опашка на неговото чело.

Кученцето, кое го добило името Нарвал, било најдено како лута на студот, заедно со постаро куче. Нарвал бил пронајден од служба за спасување животни во Џексон, Мисури.

Оние кои го спасиле кученцето веднаш помислиле дека личи на еднорог, па оттаму и неговото име – нарвал се вид китови кои имаат рог на челото.

Веднаш откако објавиле фотографија од Нарвал, вработените во засолништето неколкупати биле прашани дали кученцето може да ја мавта и опашката на неговата глава.

Иако ова би изгледало навистина слатко, од засолништето велат дека опашката е неподвижна.

Подоцна, ветеринар утврдил дека опашката не е поврзана со ништо, па нема никаква функција. Ветеринарот Туринг дури и се пошегувал:

„Изгледа дека погрешно го составиле кученцето. Секогаш следете ги инструкциите!“

За среќа, опашката не му претставува никаков проблем на Нарвал и нема потреба да се отстранува.

Кученцето ќе биде објавено за посвојување откако ќе порасне. А кога ќе земете предвид колку е популарно, сигурно веднаш ќе си го најде својот дом.