Кој фрла кабаст отпад, изречени казни и опомени?!

Овие акции се спроведуваат во континуитет на целата територија на Скопје, каде инспекторите на Град Скопје ги казнуваат сите физички и правни лица кои нелегално депонираат кабаст отпад – информираа од град Скопје.

При тоа се изречени пет казни и десет опомени.

Викендов контролите се спроведуваа кај булеварот „Цветан Димов“ во близина на џамијата Јаја-паша во Чаир, како и кај улицата „Јуриј Гагарин“ во Козле, а локациите се одбрани бидејќи истите се посочени како локации каде најчесто нелегално се одлага кабастиот отпад. За поуспешно реализирање на акцијата, во надзорот е вклучен и дрон.

За потсетување, ЈП „Комунална хигиена“ воведе новитети кај услугата за собирање и транспорт на кабастиот отпад од домовите на граѓаните. Скопјани кои имаат потреба да се ослободат од својот стар мебел и неупотребливите електронски и електрични уреди, можат на бесплатниот телефонски број 0800 222 33 да ја нарачаат услугата за подигнување и транспорт со специјалните возила на ЈП Комунална хигиена.

– Со воведените измени на услугата, граѓаните ќе имаат можност да ја одберат опцијата нивниот кабаст отпад да биде преземен директно од внатрешноста на домот, без разлика дали станува збор за индивидуални или за колективни домаќинства. Услугата за собирање кабаст отпад од домовите на граѓаните се наплатува согласно ценовникот на ЈП „Комунална хигиена“ – велат од Градот.

Инаку, еден добар човек застанал на крстосницата на улиците Брадфордска и Јуриј Гагарин за да го одложи домашниот стаклен и пластичен отпад во контејнерите за селекција, а луѓето од ЈП „Комунална хигиена“ и Инспекторат на град Скопје ја искористија приликата да му заблагодарат за покажаното високо ниво на свест кое значително ја олеснува нивната работа, а и градот го прави почист и поуреден.