Германскиот град Есен во минатата година ја доби наградата за зелена престолнина на Европа, а една година пред тоа словенечкиот главен град Љубљана се закити со оваа престижно признание кое го доделува Европската комисија.
Љубљана за релативно катко време усвои голем број документи со цел да се постигне поголема одржлиост во областа на животната средина. Исто така, ги зголеми зелените површини кои сега изнесуваат 542 квадратни метри на жител. Кога станува збор за сообраќајот, зголемена е должината на пешачките патеки, а исто така, изградени се и нови велосипедски патеки. Вкупната должина на патеката за велосипедисти изнесува 220 километри. Словечкиот главен град посебно внимава на рециклирањето и повторната употреба на отпадот.
Одлуката за зелена престолнина на Европа се донесува секоја година, на основа на критериумите кои опфаќаат 12 точки. „Еропскиот зелен главен град“ претставува годишен настан кој ги промовира и наградува напорите на градовите кои се посветени на подобрување на урбаното опкружување. Наградата се доделува на европскиот град кој прикажал добри резултати за постигање на високи еколошки стандарди и кој е посветен на постигнување на амициозните цели за унапредување на животната средина и одржливиот развој. Ова признание го воведе Еврпската комисија во 2008 година и наградите се доделуваат секоја година на градовите предводници на еколошко урбано живеење кои може да послужат како пример и инспирација на другите урбани средини. Титулата зелена престолнина на Европа за 2018 години му припадна на холандскиот град Нијмеген поради трансформација и реоганизирање на сообраќајот, иновативната велосипедска инфраструктира и одговорно владеење со отпадот.
Досегашни победници се Стокхолм во 2010 одина, Хамбург (2011), Виторија Гастеиз (2012), Нант (2013), Копенхаген (2014), Бристол (2015), Љубљана (2016) и Есен (2017).
Секој од наведените градови скоро во потполност го трансформирал начинот на функционирање, прилагодувајќи се високо поставените еколошки стандарци и секој од нив може да служи како пример за остатокот на светот.
Љубљана успеа да реализира 1.700 проекти. Градот успеа да го санира сообраќајниот метеж, секојденвните проблеми како предолго чекање на јавниот превоз, подобро ги поврза одделни делови на градот и на безбројни начини го подигна квалитетот на живот на своите жители. Освен што им заштеди време и пари на жителите на Љубљана, градот успеа да го намали загадувањето на воздухот. Импресивна е бројката од 542 квадратни метри зелена површина по глава на жител, што воедно е највисок таков стандард во Европа. Љубљана се гордее со податокот дека дури 60 отсто од отапот го рециклира, со што главниот град на Словенија е во врвот на Европа по рециклирање. Понатаму, отпадот во Љубљана се собира под земја, со што се елиминираат непријатните мириси, посебно во лето и не се валка јавната зелена површина. Во централното градско подрачје се возат исклучиво градски автобусти, таканаречени кавалири, еден вид такси-услуга, што е уште еден детаљ кој ја става Љубљана во категоријата најпосакувано место за живот. Кавалири се еколошки возила во кои возењето е бесплатно. Иако првенството се наменети за повозрасните лица и им го олеснуваат патувањето од еден до друг дел во градот, возачите нема да одбијат да превезат и други лица.
Изградена е и подземна гаража, така што автомобилите веќе ги нема по градските плоштади и улици. Засадени се повеќе од две илјади стебла дрва, редовно се спроведуваат акции за чистење на градските површини, се спроведуваат маркетиншки кампањи чија цел е да допрат до свеста на поединецот за важноста за зачувување на околината.
Во Љубљана многу се користи услугата „кар-шеринг“, каде што компанијата „Аванткар“, која е прва европска автокомпанија која има флота од 100 отсто електрични автомобили. Анализите покажале дека одржување на само еден автомобил, а во Словенија ги има околу 1,1 милион, сопственикот месечно троши 500 евра. Во најголем дел од случаите, автомобилот е некаде паркиран. Поради тоа се поттикнува услугата кар-шеринг во која повеќе лица би ги делеле трошоците за користење на автомобилот, а пристапот е сосема еколошки и прилагоден на граѓаните и нивните животни навики.
