Свет
Италија забранува пластични чаши , чинии , прибор за јадење…
Италија во 2020 ќе воведе целосна забрана за користење пластични чаши , прибор за јадење и слични производи за еднократна употреба, најави министерот за екологија , Серџо Коста.
Со најавената забрана Рим го уважува предлогот на Европската Комисија , кој допрва треба да биде усвоен. Со забраната ќе бидат опфатени и цевчиња , стапчиња за балони и мешалки за пијалоци.
,, Моја цел е да се исчисти што е можно повеќе морскиот екосистем.” , порача Коста , додавајќи дека ќе се забрани употребата на сите пластични производи за еднократна употреба.
ЕК во мај побара да се донесе ваква забрана , бидејќи околу 80 проценти од отпадоците во морињата се пластични производи.
Италија планира да забрани и козметички производи , кои содржат микропластика , а на рибарите ќе им биде забрането да го враќаат во море отпадот што ќе го уловат со мрежите.
