До среда сончево и топло, од четврток вистински пресврт на времето, во петок снег!

Времето денеска ќе биде сончево, со слаб ветер од променлив правец. Утринската температура ќе се движи од -6 до два степени Целзиусови, а дневната од 8 до до 18 степени.

Во Скопје слично време, со утринска температура од -2 степени целзиусови, а дневната ќе достигне 15 степени.

Утре ќе преовладува сончево време, со слаб југоисточен ветер. Минимална температура ќе се движи од -3 до 3 степени Целзиусови, а максимална температура од 12 до 17 степени.

Во среда времето ќе биде претежно сончево со слаб до умерен северозападен ветер, додека во четврток сончево со мала до умерена локална облачност. Кон крајот на денот облачноста ќе се зголеми. Ќе дува слаб до умерен северен ветер.

Во петок времето ќе биде претежно облачно со слаби локални врнежи од дожд, а на планините од снег. Ќе дува умерен до засилен ветер од северозападен правец.