Македонија
До Нова година ќе бидат исчистени сите диви депонии во скопско, следи и засилена инспекција
Изминатите седмици интензивно се чистеше во повеќе делови на Скопје. Оваа сабота, увид на лице место, изврши и градоначалничката на Град Скопје, Данела Арсовска, која беше во околината на Ѓорче Петров.
-Дивите депонии во Скопје мора да бидат минато, порачаа таа од депонијата во близина на индустриската зона во Ѓорче Петров каде, како што рече, постои континуиран проблем што во вечерните часови се фрла отпад.
Градоначалничката најави дека до 31 јануари ќе бидат исчистени дивите депонии кои беа детектирани, а на нивното чистење веќе се работи во голем дел од општините во Скопје, а воедно се работи на системско решение за превенција, рече Арсовска.
