Компанијата „Гугл Мапс“ менува имиња, од „Мексиканскиот Залив“ во „Американски Залив“

Компанијата „Гугл мапс“ ќе го смени името на „Мексиканскиот Залив“ во „Американски Залив“ за корисниците во Соединетите Американски Држави, откако ќе биде официјално ажуриран во Географскиот систем на САД.Оваа промена ќе биде видлива за корисниците во САД, додека во Мексико ќе остане „Мексикански Залив“.Вон САД и Мексико, корисниците ќе ги видат двете имиња.

Американското Министерство за внатрешни работи во петокот соопшти дека официјално го сменило името на „Мексиканскиот залив“ во „Американски Залив“.Гугл Мапс, која е во сопственост на Алфабет, ќе го смени и името на највисокиот врв на Алјаска од Денали во Маунт Меклинли.

-Како што нареди претседателот, Мексиканскиот Залив сега официјално ќе биде познат како Американски Залив, а највисокиот врв во Северна Америка повторно ќе го носи името Маунт Мекинли, соопшти Министерството за внатрешни работи минатата недела. (Пренесува МИА)

Слична ситуација со “Гугл мапс” видовме и при насилната промена на државното име на Македонија, при што истата компанија го промени името на нашата држава уште пред да се направи инцидентот и насилното гласање во собранието.