Градот издлабен од снег и мраз ги отвори вратите за посетителите и во време на пандемија

Зимскиот фестивал, кој е огромен настан во североисточниот кинески град Харбин во провинцијата Хеилонгјанг, привлекува патници од цела Кина и светот од декември и јануари од 1985 година.

Оваа година, 37-та по ред, продолжува според планот, иако со промени поради новата епидемија на коронавирус во близина, во градовите Шенјанг и Далиан.

Иако фестивалот е сеуште отворен и посетителите можат да купат билети, настаните и претставите се откажани. Тоа ја вклучуваше планираната групна церемонија на венчавки што требаше да се одржи на 5 јануари, пишува Си-Ен-Ен.

Исто така беа откажани новогодишните прослави и огнометот. Но, овој фестивал на снег и мраз е навистина спектакуларен. Годишниот фестивал е најголем од ваков вид во светот.

Секоја година, работниците извлекуваат ледени блокови од реката Сунгари, кои уметниците ги користат како материјал за своите креации.

Притисокот е секогаш поголем од претходната година, а најважните настани и украси во 2021 година вклучуваат „кристална палата“, целосно функционален „леден бар“ од 220 квадратни метри и модел на првиот кинески авион направен целосно од снег.

Патем, Пекинг ќе биде домаќин на Зимските олимписки игри во 2022 година заедно со снежниот северен град Џангџакуомо, што ќе ја направи кинеската престолнина првиот град што некогаш бил домаќин на Зимските и летните игри.