Забава
Во Шпанија се одржа традиционалната борба со домати „Ла Томатина“
Традиционалната борба со домати во Шпанија „Ла Томатина“, повторно се врати во градот Буњол, во близина на Валенсија, откако поради пандемијата две години по ред беше откажана, пренесува Би-Би-Си.
На видеата на социјалните мрежи можат да се видат илјадници луѓе како фрлаат домати еден кон друг за време на фестивалот кој се смета за „најголемата борба со храна во светот“.
Настанот започнал уште во 1945 година, кога локалното население започнало огромна борба со храна, што потоа станало традиција во ова место во Шпанија.
