Во Газа се случува масакр и геноцид: 300 луѓе умираат дневно, голем дел деца

Регионалниот директор на службите за итни случаи на Светската здравствена организација (СЗО), Ричард Бренан, вели дека ги смета овие бројки за жртви за веродостојни. Броењето на мртвите е предизвик во секоја воена зона, а лекарите во Газа велат дека бројот на загинати најверојатно ќе биде многу поголем бидејќи не ги вклучува телата закопани под урнатините на уништените згради или оние кои не се однесени во болници.

Би-Би-Си детално ги разгледа бројките, споредувајќи ги со други конфликти  и проверувајќи го влијанието врз младата популација во Газа . Стапката на убиства во оваа војна беше „извонредно висока“, вели професорот Мајкл Спагат, кој е специјализиран за испитување на бројот на загинати во конфликтите ширум светот. Секако дека терминот “инзворедно висока” е само мек збор за масакрот и геноцидот кој се врши врз палестинците во Газа.

Така, Spagat го проучуваше бројот на загинатите во нападот на САД и Велика Британија на Ирак во 2003 година, граѓанскиот конфликт во Колумбија, војните во Демократска Република Конго, но и претходните војни меѓу Израел и Газа. „Во серијата војни во Газа што траат од 2008 година, сегашната е без преседан и по бројот на загинати и неселективно убиства“, е убеден тој.

Бројката од 20.000 претставува речиси 1% од 2,2 милиони жители на Газа. Би-Би-Си разговараше со воени аналитичари кои ја опишаа широката разновидност на бомби што ги користи Израел – некои тежат околу 45 килограми, а други 9.000 килограми – како фактор што придонесува за размерите на смртните случаи во овој конфликт.

Беше наведено и дека загинале 310 припадници на медицинскиот персонал, 35 припадници на цивилната одбрана и 97 новинари – сите биле цивили. Војната има особено разорно влијание врз децата во Газа. Речиси половина од населението на територијата е на возраст под 18 години, според податоците објавени од Министерството за здравство во 2022 година.

Според Министерството на Хамас, во конфликтот досега се повредени повеќе од 52.000 луѓе. Иако нема неодамнешни податоци за бројот на повредени деца, до 3 ноември, наводно имало 24.173 повредени – вклучувајќи 8.067 деца, 5.960 жени и 10.146 мажи. Газа сега е „најопасното место во светот за децата“, според Детската агенција на Обединетите нации (УНИЦЕФ).

„Цели населби, каде децата играа и одеа на училиште, се претворени во купишта урнатини, каде што нема живот“, рече Адел Ходр, регионална директорка на УНИЦЕФ за Блискиот Исток и Северна Африка. Секој конфликт е уникатен во начинот на кој се води, но аналитичарите интервјуирани од Би-Би-Си се согласуваат дека стапката на убиства во Газа е значително повисока отколку во другите неодамнешни конфликти.

Станови, лифтови, сала со огромни димензии: израелската војска соопшти дека открила огромен тунелски систем во срцето на Газа, кој служел како команден центар за раководството на Хамас, пренесува и се чуди Дојче Веле

Навистина интересни текстови може да се сретнат по медиумите кој ја поддржуваат израелската војска во оваа медиумска војна против Палестина. Па така има и такви кој се зачудени од воената организација на населението во Газа која може да се спореди со тоа што доколку Палестинците го бомбардираа и навлезат на теритотија на Израел би биле зачудени од тоа што би го нашле, воена организација добро опремена и со стотина пати повисока воена моќ, навистина чудно и без никаква логика